هذي القصيدة القيتها في حفل معايدة قبيلة المزاريع في تاريخ 3/10/1432
سلام ياهل العيد ياربعة الدار=ياربعةٍ بالجود دايم كريمه
وثني سلام الطيب لرجال حضار=اهل العقول الراجحه ولفهيمه
تحيةٍفي طيبها عطر الازهار=تنصى ربوعٍٍ بالوفاء مستديمه
ربعٍٍ لها بالجود رسمٍ وتذكار=تاريخ وافي من عصورٍ قديمه
لواكتب الامثال واقول الاشعار=ماظنتي بوفي ربوعٍ حشيمه
عسى الولي يحفظ طولين الاشبار=اللي على عزالمراجل مقيمه
وياعل سحب الغيث ترهي بالامطار=وتهل مزن الخير من كل غيمه
وتسقي ربوع الدار وتزين الاشجار=وتحيي عروقٍ عقب ماهي هشيمه
ولجل الوفاء جينا ضيوفٍ وخطار=بنكمل الماجوب قدراً وشيمه
والله يديم الطيب مابين الاخيار=اهل المعارف والعقول الحكيمه
ويحفظ بلاد العز من كل الاشرار=وتبقى على طول اليالي مديمه
وياسامعي صلو على خير الاخيار=وزيدو بذكر اللي نعيش بنعيمه
13-09-11, 08:59 PM
قصيدة لقبيلة المزاريع 3/10/1432
العرض الشجري