أتركتني بالهوى لاشقي ولاسعيد

كيف انا برتاح واجلس وعيني ماتنام=وكيف اباسولف وهمي ليا غابت يزيد
وكيف مايرجع نهاري ليا قفت ضلام=وهي من تملا نضر عيني بشكل"ن" فريد
كامله بالزين ما مثلها قد ومقام=وكامله بالعقل والدين والمنطق سديد
عينها لا ناضرتني تقل معها سهام=فوقها رمش"ن" يضلل وفوق المتن جيد
كل ماذكر سلهمتها يخاويني هيام=وأتذكر كل ماقالته وأنسى وأعيد
ليتها ترسل عليه مراسيل الغرام=وأتطمن بالرسايل لو الغالي بعيد
وليتها تعرف وش اللي حصلي بالتمام=من عنى الايام والشوق والصبر المديد
راح حالي بعدها والمفارق قبل عام=كيف لاطول بطاها وأنا لحالي وحيد
وقامت حلومي تردد .. وحام الوصل حام=وسط راسي .. والمقادير تمنعني أكيد
ماتركت من الفرص .. فرصه بدون أغتنام=ولا جلس لي غير حظي وانا حظي عنيد
وصلوها كل ماقلت وأهدوها السلام= وأن بغت تنشد ترى ماحصل عندي جديد
أتمسى كل ليله على هم وضلام=وأتمنى شوفها والتمني مايفيد
الامل لازال عندي وطول الصبر دام=والمشاريه اتجدد وتكثر كل عيد
واللقاء مدري متى لكن ثمرة الكلام=ودي اعرف شي واحد وغيره ما أريد
كانها تدري عن الحال يلحقها ملام=وتحمل كل ماصار لي والله شهيد
وكان ماتدري لها كل مشتقت .. أحترام=أتركتني بالهوى لاشقي ولاسعيد

الله الله ومن الحب ماقتل ياحمدي صح لسانك ابداع في قمة الروعه والجمال ,,,,,,, وماقول إلا الله يسعدك لك احترامي وتحياتي .

الا خ العزيز

قاهر الصعاب

الله يعطيك العافيه أخوي على مرورك

الرااائع والذي تشرفت به

الف شكر لك

ولاهنت يالغالي

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وسلم بنانك



قصيدة رائعه بروعة حضورك



لك تقديري

لاهنت وصح السانك

تقبل التقدير والاحترام

وفقك الله

صح لسانك يالعوفي حمدي
قصيده قمة الروعه
داام هالتميز
احترااامي

الاخ العزيز


رابح الجحدلي

صح بدنك والله يعطيك العافيه

على تواجدك المستمر


الف الف شكر لك

ولاهنت يارابح



تقديري لك

صح لسانك يالعوفي
قصيده جزله لاهنت

الشاعر
الكبير
حمدي العوفي
صح لسانك وعتلا شانك رااااااااائعه
من شاعر جزل ومتمكن له حضوره المميز بالساحه الشعريه
اخي الغالي حمدي دمت وادام حضورك الرااااااااااائع
تحياتي وتقديري