اخي ا لبيرق المنصور

خليفه المزروعي =
اوصيك ياحمد على احمد=حذراك ياجي عليه اخلاف
نبغاه بأجوائكم يسعد=ويرجع لنا والحمول اخفاف
احمد بن حسن المزروعي =
احمد مايعتاز له نشهد = وعن واجبي يمته لاتخاف
لكن اقولك . لاشاف الورد = لاتقولي وينك يومنه شاف
خليفه المزروعي =
هذا الذي في صاحبي نعهد=الدين والطيب وألأعراف
بس البلا في جوكم يبرد=ولا ينفعه فالبرود الحاف
احمد بن حسن المزروعي =
لا لا معه كوت نوعه جلد = غالي وكشخه على الاكتاف
بعد الله يحميه لفح الصرد = والثلج اللي ماعمره طاف
خليفه المزروعي =
اخاف من ثلج ومجمد=ومناخنا فالجزيره جاف
وضيفك على الحر متعود=من شان هذا عليه اخاف
احمد بن حسن المزروعي =
مالومكم ياعريب الجد = ومنك ماستغرب الميقاف
ومن عادة الود يم الود = لا غاب حتى الاكل ينعاف
وعنه كل العرب ينشد = ودمعه على محجره وقاف
ويستنظره لين مايعود = حضرة معاليه للميلاف
ومنهو مايصبر ليوم الغد = ماينول من دنيته صفصاف