( سرور بالحيل زودها ) ههههه ...إلى الشاعر القدير والخلوق/ حفيد الحجيري

خالد بن عبيـد الاحمـدي =
قم ياحفيد الحجيـري قـوم=واضغط على سرور لايغلط
ولاّ ابناخيـك بعـد اليـوم=يمكـن يفلّـك ويتمـغّـط
حـفـيـد الحـجـيـري=
ياللي تنادي عقيـد القـوم=واجب تسلـم قبـل تقلـط
وألاّ البناخي ؛ ولد صمصوم=ماهـو مطـرفّ ومتربـط
خالد بن عبيـد الاحمـدي =
وقت المهاوش مافيه اسلوم=احدٍ بقطلـه واحـد يقـرط
وقّـف بناخيـك ياشغمـوم=واليـا طلبنـاك لاتشـرط
حـفـيـد الحـجـيـري=
العرف راعيه بـه ملـزوم=دستورنـا منـه لا تشتـط
وش جاك يا صقر يوم تلوم=وتشيل فالسالفـه و تحـط
خالد بن عبيـد الاحمـدي =
العرف نهجـي وذا معلـوم=واعرفك فاهـم ولا تلخبـط
ولاني بشرح الخبر مرغوم=دامك من القـاف تستبنـط
حفيد الحجيري=
يا صقر ما أذمكم محشوم=لكنْ ياليتك معي تضبـط
الصقر ماله نظر فالبـوم=والمعدن الحر ما يُخلـط
خالد بن عبيد بن معتوق ألأحمدي=
مشكور لاكن صحيبك دوم=يخطي علينا ويستعبط
واليا نصحته ايصيبه زوم=شايب وبالعند متشبّط

ومشكور يابو علي تشرفت بالمحاوره معك واستفد
من لقاء شاعر متمكن ماشاء الله عليك
وهي اول محاوره معك وانشاء الله ماهي الاخيره
عطنا الرد الاخير وبيض الله وجهك