(قطعة شعير الغنم فالســوق) الي الشاعر القدير صقرالمراقيب

سرور بن بريك البشري =
قطعة شعير الغنم فالسـوق=جابت فوسـط البلـد أزمـه
وسعر الذبيحه من ألف وفوق=وغيره مايبغى البهم ضرمـه
خالد بن عبيد الاحمدي=
كل شي سعره غدا مطبـوق=لو كـان ينبـاع بالحزمـه
سوق الغنم داخله محمـوق=وسوق الدواجن لكم رحمـه
سرور بن بريك البشري=
سوق الدواجن لنا مايلـوق=والحمـد لله علـى النعمـه
صحصح معايه ياصقر وفْوق=ماكل بيضاء تـرى شحمـه
خالد بن عبيد الاحمدي=
ياراعـي الجـود كلّـك ذوق=انا اعرف الشحـم واللحمـه
وشبك تشكّى لابـن معتـوق=وفيه الـذي سرّكـم حكمـه
سرور بن بريك البشري =
سرَيتني باعـذب المنطـوق=يامن لكـم عندنـا حشمـه
وشكواي للي كريـم يسـوق=للرتع الخيـر مـن قسمـه
خالد بن عبيد الاحمدي=
انتا وانا للمراجل شوق=وكلاُ نصيبه له من اسمه
والخالق يسرّه المخلوق=اللي يحمده على النقمه