ديوان احمد بن عاقل الغانمى

احــمــد الـغـانـمـي =
سـلام والمعرفـه تشريـف=ورد الموافـى لكـم سنـه
ونته معـرف بـلا تعريـف=عسـى معقـبـك للجـنـه
هـمــس الـقـوافــي=
يامرحبا مثل صـب الكيـف=مختارلـه هيـلـه وبـنـه
انته رفيقي سـواة السيـف=تاريخكـم ينحكـي عـنـه
احــمــد الـغـانـمـي =
دايم ربيـع الوفـا للضيـف=تعطي الجزيلـه بـلا منـه
يادرع جنبي نهـار الحيـف=لاسـارت العيـن فالقـنـه
هـمــس الـقـوافــي =
الضيف يكرم مـن العريـف=والحـر مايختلـف ظـنـه
ياربعنا فالشتـاء والصيـف=وافيـن فالبـرد والكـنـه
احــمــد الـغـانـمـي =
بعد استوت نرفـع التكليـف=نبغى المثـل يرتـوي قنـه
ونته من اللي لهم تصريـف=فالمـد والصـور والسنـه
هـمــس الـقـوافــي=
بعد استوالك بحسب الكيـف=سرنا ورسـم المثـل هنـه
تبغى على وين لـو جنيـف=حاسـيـن دولاره و يـنـه
احــمــد الـغـانـمـي =
المعضلـه شلـة التحريـف=تظهرلـك البغـض وتكنـه
تضافرت من بعـد برليـف=علـى امـل تهـزم السنـه
هـمــس الـقـوافــي=
عم الامن والربيـع مريـف=وكـل عـود ارتـوى فنـه
دوله من السيف لين السيف=في حفظ من انسـه وجنـه
احــمــد الـغـانـمـي =
لاتامـن الوقـت والتزييـف=كـل معـه سيـف ويسنـه
هذاك وده يحـوف الخيـف=وهذا على العين لـه حنـه
هـمــس الـقـوافــي =
عيش الهناء واترك التخويف=لو العـدو قـال لـو انـه
اللي على الطايرات منيـف=مايلحقـه راعــي ديـنـه
احــمــد الـغـانـمـي=
ماينفـع الـدس والتلحيـف=ملح الشفا مـن يمـن دنـه
وان جاك سيل القرى فالريف=قـش المعاميـل والشـنـه
هـمــس الـقـوافــي=
من اليمن لاحـدود طريـف=ارتاح واحلـى نغـم غنـه
وان كان صار الزمان معيف=افـزع ولا نسمـع الـونـه