ديوان الشاعر عايش بن صالح الاحمدي ( ابوسالم الرحال )

ابوسالم الرحال=
سلام من عذب مدراره=ياصلك من طيب الخاطر
قلبى انحرق من لضى ناره=والدمع من ناظره قاطر
ناصر الحجورى=
ترحيب غالي في مسعاره = مهديه ناصر لأخو ناصر
اخوك لاّ تشغل افكاره = بحق الذي بيننا عامر
ابوسالم الرحال=
تسلم وهذ انت سنجاره=وهذالذى فيك انا خابر
لاكنى اشكى لك اشراره=اللى بسهم الأسى غادر
ناصر الحجورى=
القيل مثلك من كباره = شاعر ولاّ ينكرك شاعر
لك حرف لاصوب عياره = يجعل عميل الاسى ثابر
ابوسالم الرحال=
مااصف فى صف تجاره=وآنا شريطى مانى تاجر
لكن الذى ارفض اقراره=ماشافت العين من ماكر
ناصر الحجورى=
حِلمك ياعايش على صغاره = الحلم من عادة الناظر
تلميذ بادي في مشواره = يمكن يجي لا كِبر شاطر
ابوسالم الرحال=
المبتدى نعز مقداره=مانعارضه يوم ونكابر
بس الذى ماحترم كاره=عليه قلبى مهوصابر
ناصر الحجورى=
القيل لا جاك فيداره = ماشي على القن والساير
بالعرف يندرّ بمنداره = ويردك لعهده الزاهر
وعلى حسب طالع اشعاره =يجيك حكمي على الظاهر
الكار من قلّ معياره = ماهو بصاحب عقل ناير