أنت الذى مثلك به الحب لائق

يا اللي بغيتي لو دقيقة من الوقت=خوذي سنين العمر ماهي دقائق
يا اللي بطيفك في خيالي تعلقت=سجلت لك بأرشيف قلبي حقائق
يسوقني لك دافع الشوق لو سقت=وابغى على ذكراك صاحي ورائق
حبيت وانحبيت وعشقت وعشقت=لا شك لك حب(ن) مع الناس فائق
مثل حلا حبك على القلب ماذقت=ولا أحدن يلوم اللي من الحب ذائق
حبك كما بحرن بوسطه توهقت=يسوقني في بحر الاشواق سائق
صرفت ما عندي ولأجلك تورقت=لأجلك عمرت القلب قصور وحدائق
يا اللي خذيت القلب منه توثقت=منحت كريمن ولا يبيلك وثائق
ليلي طويل وطول الحلم مافقت=بعض الحقائق تكتنفها العوائق
يا اللي سرقت القلب يا ليت سبقت=يا اللي سرقت القلب ما أنت ببائق
افرح ليا مني تذكرتك وضقت=ذكرك يدله كاتم الجرح ضائق
توي عرفت الحب توي تحققت =أنت الذي مثلك به الحب لائق