فتى البعايث+بيان الصمت+محمد سعد اليوبي

محمد سعد اليوبي=
ســلام مثـل القمــر نـوره=ضافي يشعشع من الوجدان
من نفس بالحيل مسرورة=بعد انجـــلا والمصافا حان
فتى البعايث=
يامدونٍ صادق شعوره = يالشاعر الفاهم الفنــــان
بنعيش وياك بالصورة = ونزيدها سامري واللحان
محمد سعد اليوبي=
لي نفس للطيب مأسورة=تبغى الصفا والصفا ما زان
وقلبي على حسب مقدوره=والله عني والكريم معان
فتى البعايث=
لابد لأمرالصفا دوره = وبعدالعجاج الفضا يزدان
ويعجبك بدر المسا بنوره = والنجم لك يبتسم طربان
محمد سعد اليوبي=
لو ملة الروح معذورة=عنيتها والأمــل ما بان
بين الهواجيس محصور=في القلب ومقفله البيبان
فتى البعايث=
يالافي الروح مغروره = وهواجسك مالها برهان
ابليس لاياخذك شوره = عَــوّد ترى كلنا أخــوان
بيان الصمت=
ترحيب يا حايز الكورة=في القول تمشي على الميزان
رسالتك جات ممهورة=بزين المعاني من العنوان
محمد سعد اليوبي=
لا يا فتى النفس مأموره=والله يجيرك من الأحزان
والرمي توسيق ماصوره=أشوف بندق بلا نيشان
محمد سعد اليوبي=
تبقى عسى النفس منصوره=نعم الخوي والصحيح يبان
ولابد الأيام من دورة=تكمل بعد تذرف الآوزان
فتى البعايث=
يا لافي لاتعلن الثوره = ارجوك لاتدمر الأوطان
لا تجعل الدم نافـــوره = وتصير كل العلوم الوان
محمد سعد اليوبي=
قلوب في صدور مستورة=إن ما ابصرت عميت الأعيان
وليا خرج عبد عن طوره=أقول يامضعف الانسان
فتى البعايث=
ما دامها الروح معموره = بالذكر مايفرح الشيطان
واضح لنا مخطط عبوره = يجري كما الدم بالشريان
بيان الصمت=
أمامي أوراق منظورة=فيها الأدلة مع البرهان
والعلم واضح بدستوره=ولأصلها ترجع الأغصان