مشتكى الى جميع المشاركين فى الملتقى

سلام ياكاملين عقول=ياجامعة علم يفتيني
ابغى الافاده بعد مااقول=باحكام فالقيل ترضيني
ياصحاب ياهل ترى معقول=وانا افتكر حي ناسيني
ابتلت الارض عرض وطول=لما سكب دمعها عيني
=سعود هليل الزويهري
ترحيب ضافي ورد القول = اوحيك أن كنت توحيني
شرق الوطن حافرين حقول = وفي الغرب محنا مداييني
لي سيف ياصاحبي مصقول = كل ما شهرته يسليني
ركلت جفاء والمواصل قول = قله على البعد واسيني
=ابوسالم الرحال
ترحيب بالشكر لك موصول=منى ومنهو موصينى
ابشر ومنا الجهد مبذول=اسعى معك قد ممدينى
الود مايفرضه مقبول=فى بند شرع المودينى
وذاشى ماهو لكم مجهول=دمع الوله لازم يبينى
=المثل
ترحيب من خاطري مرسول=يشفي جروح المحبيني
مهما الجفاء فالحبيب يطول=ذكراه فالصد تكفيني
على الصفى بثنا منقول=واللي نساني مايشقيني
ترى الامر بالصبر محلول=حسب الافادة عن سنيني