ديوان الشاعر ( حرب )

-
-
-
-
-
-
-
-
-
-
-

يالشاعر احرص على المبنا=خله يطابق على معناك
واليا ابتعد خالف المعنا =اهل المثل تنتقد مبناك

-
-
-
-
-
-

بخيـتـان الـبـشـري=
سـلام واجـب تردونـه=عاجل ولا يحتمل تأخيـر
الطيب ياحرب مضمونـه=وسّمه وفا ما حوى تغيير
حــــــــــرب =
ترحيب والكل يوحونـه=يجلى عن الخاطر التكدير
ياساس للطيب وفنونـه=ياللي لكم عندنـا تقديـر
بخيـتـان الـبـشـري=
عسى البقا عز تحمونـه=يامن لكم بالبنان انشيـر
اللي نداريـه ونصونـه=اليوم عاكس فخط السير
حــــــــــرب=
ماسرني علـم تطرونـه=عكر علي الصفا تعكيـر
ابحث وش اللي فمكنونه=يمكن حصل فالامر تطوير
بخيـتـان الـبـشـري=
عسر الجبل ما يعدونـه=أُخذ الهواجيس بالتفكيـر
عدت النظر عند مامونه=والحايرة عندنا ماتسيـر
حــــــــــرب =
لاصار غالـي وتدرونـه=الاولـه مالهـا تأثـيـر
لكـن عتبكـم تمدونـه=ومثلك لهم فالبنا تعميـر
بخيـتـان الـبـشـري =
لاشـك فيمـا تقولونـه=وياليتها تقبـل التشفيـر
الناس مارضى يحقرونه=والكل دوّن لهـا تقريـر
حــــــــــرب =
خلك فسده ومـن دونـه=حتى يجي للكسر تجبيـر
وبعدين ذنبه على متونه=لاصار من جانبه تقصير

-
-
-
-
-
-

الحجيري=
سلام فاعلى النوايف ناف=في قمة القيل متمركز
ياحرب نبغى معاكم قاف=حيثك فرد المثل تنجز
حرب=
ترحيب فايق عن الاوصاف=يامن لكم فالوفا مركز
قود المثل حرب فالمشراف=ياشاعر الملتقى الابرز
الحجيري=
برشا وبالمغربي بالزاف=تبقى ياراع الوفا والعز
همي مثل ماجد الهداف=والقلب حارسه بامحرز
حرب=
مهما تكون الهموم اصناف= انا اخبر طويق مايهتز
جود دفاعك عن الاهداف=حتى للأهداف مايحرز
الحجيري=
دفاعنا راضي الاجحاف=وقت التصاريح لك يرتز
ماهو بقادر على الاسعاف=للي بحذف الحجر يعتز
حرب=
دفاعكم ترّك الميقاف=وهذا الذي فالخواطر حز
ماتهمه ثقال والا خفاف =همه فدنياه يشبع رز
الحجيري=
دام الخلل للعيان يشاف=وفعلاجه دفاعنا يعجز
نبغى روشته من العراف=يبرى بها كل.جرح ينز
حرب=
والله ماتشاهد الانصاف=وتسمع خبر زين فالموجز
الا اذا جالها ميلاف=عليه يابو علي تعّنز

بامحرز(حارس الوحده)

-
-
-
-
-
-
-
-
-
-

احمد وحمدان ومحمد=اشوف مابينهم ضيقه
تنافسوا والهدف مبعد=اصعب من الصعب تحقيقه

قلبك على الشك لايولف = حتى الخلايق توالفهم
لاتفتكر كل ما سولف = اثنين . يمك سوالفهم

سلام والسر مخفينه = رامي حروفه مابين حروف
والي يحدد عناوينه = ربحان والشيك فالمظروف

-
-
-
-
-
-
-
-
-
-

نتائج الحُسن حاسمها=مشغل قلوب الهواويه
جميع الارقام حطمها=بارقام صعبه قياسيه

-
-
-
-
-
-
-
-
-

سبحانه الله عظيم الشان=الحال ماهو على خبري
زرنا مدينه بلاسكان=سكانها وين ماندري

-
-
-
-
-
-
-
-
-
-
-
-

سلام واسألك عن بنتين=كل ما اتمايل على المسرح
اول مايسّتر نون العين=وانته بالافكار لاتسرح

-
-
-
-
-
-
-
-
-
-

مـاصــك فـــي يــــوم بـيـبـانـه=لاكــنــهـــم كـــفّــــوا الاقـــــــدام
صرح الادب وين سيسانه=واركـانـه الـلـي علـيـهـا قـــام