ديوان الشاعر(علي بن عيد البشري)

بخيتان البشري =
انكان باقي فراسك حب = ابطحنه لك يابن عيد
تعال من دون لاتغظب = كانك العزف المعاني تجيد
علي عيد البشري =
جيتك وانا مستعين الرب = ياللي لنا معلن التهديد
لكن احرص معي تنشب = ماني على ماتبى وتريد
بخيتان البشري =
حجه تدور بها مهرب = خذها نصيحه معي ماتفيد
اما يجي للمثال مضرب = والا التوالي بها التحديد
علي عيد البشري =
خسران يامن تبى تكسب = لكن عن مانويته هيد
ماشي قدامنا يصعب = لاعاد واني عليك اعيد
بخيتان البشري =
عن الملا الشمس ماتحجب= ياحاجب لنورها باليدّ
ماعاد لك فالمسائل طب = تعيد فالقول ولا تزيد
علي عيد البشري =
من قولك الان مستغرب = ماحاز شرحك على التأييد
لجل ايش تبعد ولاتقرب = وتزيد تعقيدها تعقيد
بخيتان البشري =
صحيح من يسمعك يعجب = تُوهِم لكن فالحقيقه تحيد
الناس بعقول لاتحسب = ياللي في عِكر المياه تصيد
علي عيد البشري =
اللي على النور مايغلب = مهما تفننت فالتسديد
مابيننا جو متكهرب = والوضع محتاج للتفنيد
بخيتان البشري =
مانتا على منت0متقلب = صادرك مايوازي التوريد
ياتجنب اليوم ياجنّب = ماعاد يبغالها تمديد
علي عيد البشري =
حتى معي تحقق المطلب = لازم تعود معي فالسيّد
قدام تخطيطها يخرب = وافرادنا تغادر التجنيد
بخيتان البشري =
كل من فصل جاك وترحب = وتقيده بالامر تقييد
ماني على مثل ماترغب = ياقاري الفقه والتجويد
علي عيد البشري =
يامعاصرالوقت ومجرب = قدام حزنا على التمجيد
لكن من رايي الانسب = نرحل ونبعد عن التنكيد

[/quote]