ديوان الشاعر نعيم عابد السيد ( القلب الدافئ )

ابو بتال

آنــــا تـقـربـعـت يـــــا نــفـــاع=من حال هذي وذيك آنـوح
وش حلكم في الذي ملتاع=لـو تلحقونـه بسفينـة نــوح


ابو فرح

دامــك تقربـعـت والاوضـــاع=امست عليها البروق تلوح
مايفيـدك الـحـل بــا الاقـنـاع=هات المشاعيب خل نـروح

ابو بتال

لا تلومنـي والعـيـون وســاع=والعـود وسـط النظـر مملـوح
لا تقـفـل الـبـاب يـــا فـــزاع=وتموت وسط الضلوع الروح

ابو فرح

كملي نصحتـك ولاتنصـاع=طرفـك معنـى بعيـد الشـوح
مـاتـدري ان الـهــوا خـــداع=ولايزيدك الا اسى وجروح

ابو بتال

أديـب فـنـك ولا لــه قــاع=وغزير معناك يوم تبـوح
انـت تعـرف الـغـرام نــزاع=وآفيدني بوافي المشروح

ابو فرح

هيـا استمـع بـعـد مـاهـو ضــاع=حــبــل الــرجـــا والــفـــؤاد يــفـــوح
مــــن هـيـئــة الــــود بـاالاجـمــاع=صــادر لـــك اقـــرار بالمـصـلـوح
امـــــا تــمـــد الـخــطــا يـاشــجــاع=وتمشي على نهج لك مسموح
والا تـــــــرا مــــاحــــلا الــمـــربـــاع=تـحـت الـنـخـل والـطـلـي مـذبــوح