ديوان الشاعر(علي بن عيد البشري)

ابوعيد البشري=
سلام مقصودنا تحصيل = من ناتج القيل تحصيله
ياسرور نبغى الصفا والقيل = مرسوم معناه في قيله
سرور البشري =
ترحيب ياراعي التكميل = واجب ابو عيد تكميله
اليا صفا القيل ليلك ليل = واسري معك فاالمثل ليله
ابوعيد البشري=
عسى البقى واسمع التفصيل = من واقع الوقت تفصيله
مكيال لاكن وقت الكيل = يخيب هقواك في كيله
سرور البشري=
تبقى ومنك انتظرتحليل = عن واقع القيل تحليله
وانا اخبرك ياعلي حلحيل = شعيل ماظن بك حيله
ابوعيد البشري=
احتار فكري بهذا الجيل = فيهم مخالف خطا جيله
مهماتبين له التشكيل = مايعجبه غير تشكيله
سرور البشري=
بعض العرب نور كالقنديل = مأظن يخفاك قنديله
واللي تشكل بعدل وميل = درب الخطا معه لاتميله

احرص على الجمع فـِ حسابي = اوفيه ما قدمه باخص
على الصفا والوفا ثابي = والناقصه مدة الناقص

يجب عليك الرحيل الآن = غادر الاجوى محذوره
عن التعامل معك قنعان = اولّت الاسناد والصوره

متمكنه فالحشا ماتروح = وزعتك ولايقل مقدارك
ودك تغذت عليه الروح = جزآآه تكويه من نارك

ابوشادي =
يامن يفيد الذي مهتم = يبغى طبيب الهوى يفتيه
أقسم على قلبي المغرم = انه حلى من حلى يسقيه
أصدقه فاالامل واعزم = واحط كل الاماني فيه
والاانتظر قبل لااندم = وارد قلبي على شاريه
ابو عيد =
هي استمع يالذي تزهم = فاللي زمان الهوى كاويه
مادام اقسم لكم ملزم = العهد لآبد مايوفيه
بفن السياسه قبل تغرم = أحتاط لرد الفعل يابيه
خلك مساير قبل تحسم = امرك0 وشف الذي ناويه
ابوشادي =
خايف ظنون الهوى تهدم = وانا مع الود وماسيه
ماتشوف ترجع حياتي غم = لجلي على العهد كيف الغيه
عساك ياصاحبي تسلم = محتار واظن مايمديه
لاتصدق الشب لو محرم = يرجع على الخل ويعاديه
ابو عيد =
ان كنت خايف ومستسلم = قلبك من أمر الهوى اعفيه
وان كان فكرك غدا مبهم = اسمع قبل فالدروب تتيه
ان كان فالقلب ود اقدم = من ودك اللي تبا تبديه
ما ظن في كلها تغنم = خسران من باع من يشريه

اخليت قلبي وسكنتك = وسلمتك القفل والمفتاح
واليوم على القلب امنتك = كان الشقى واجعله يرتاح

ابدى بنفسك وهذبها = قدام تنظر عيوب الناس
حافظ عليها وكسبها = الطيب والقدر والنوماس
لاتزيدها في نشايبها = وتتبع هوى النفس والوسواس
الواجب انك تحببها = فالخير0 والعقل لك مقياس

من اليوم عنك النظر مكفوف = ولاغبت ماعاد ينشدني
مثلك ترى ماعليه حسوف = ولاعاد لك منزله عندي

لارحت مع درب لاترجع = مع دربك اللي معه روحت
العقل يالادمي مرجع = إليا تبعته تراك ارتحت

مابين دمي ودمك فرق = سالب وموجب على الفرقا
للغرب معطي وانا للشرق = للدون تنزل وانا أرقا