ديوان الشاعر(علي بن عيد البشري)

بخيتان البشري =
تعال ودّي معك قافين = نلعب 0 وتسعف لياقتنا
للعب صانع بنا الاثنين = والآخر لراس حربتنا
وعلى مدى فترة الشوطين = نبدل مراكز في خطتنا
هذا يقدم جناح ايمين = وهذا يغطي حراستنا
علي عيد =
لبيه يامن لكم تثمين = فالقلب زادة سعادتنا
اللعب يحتاجله تسخين = قبل نستر لكورتنا
يم الصداره سوى ماشين = انته وانا الفوز غايتنا
ابدى ورب العباد يعين = حتى نتمم مهمتنا
بخيتان البشري =
حنا حصدنا بطولة زين = وكاسها في خزينتنا
لكن بلانا من الشاكين = مشككة في صدارتنا
وحنا لهم ياعلي وافين = كيف العمل في مصيبتنا
لاجل إنهم عندنا غالين = ومعهم قوية علاقتنا
علي عيد =
فرقينا فاز فرحانين = والكاس اصبح بحوزتنا
ماهمنا غيرنا 0راضين = جمهورنا شال رايتنا
ادري بغير الذي هاقين = فيهم0 اتت غير هقوتنا
نحفض غلاهم فجوف العين = ولايردنا عن إرادتنا