ديوان الشاعر\\محمد عبدالله البدراني

ياهيه ياللي تحسبن مابه الا انت = انت اللذي غيرت مجرى حياتك
لا تحسبني هايمن فيك وايقنت = اني ماعيش الا بداخل عباتك
انا على ماكنت ماكنت ماكنت = ولاني متغيّر لأجل ضحكة شفاتك
شفي بعيد ولو بقلبي تمكنت = والله ماطيع الواحدٍ في صفاتك
ياللي تحاسبني ليا من تيامنت = وبأي اتجاه ان رحت يكثر شماتك
ياكثر ماتزعل ويا قل ماحسنت = معي التصرف لو تقل امنياتك
تاخذني بحكمك واليا من تبينت = صدق الحقيقه .. قلت حبي لذاتك
واصل الحقيقه ماتحب انت الا انت = لكن تغانم فرصتك في نجاتك
واعلم لو انك في ودادي تفننت = لا بد مالايام تكشف سواتك