ديوان الشاعر ( راشد الزهراني ) المحيط

ماسرت مرتاح مثل اول = ولا عاد الايام تصفى لي
من يوم هجر الهوى طول = وعكر عليه صفا بالي

كنت احسب ان الهوى لاصاب = يسـهل على المبتلى صده
لـكــن قلبـي انـكـوى بـحبـــاب = يصـعب على خـاطرى رده

أمطر فرح ياسحاب الصيف = وارعد تراحيب فاحبابي
بشعور صادق ولابه زيف = اقدمه ود لصحابي

انهد حيلي ولابينت = صامد وطول الدهر صابر
آمنت بالله واستامنت = اللي بحال الشقي خابر

يـازهرة الـفـل واليـاسـمـيـن = زوري مـعـايـه شـواطـيـنـا
فـي يـنـبـع الـود مرتاحـيـن = تـكـفـيـن كـيـدي اعـاديـنا

أسير ينبع فتى زهران = اللى اهلها كما اخواني
اسير في غيبتي حيران = واتلمس الدرب وحداني

ينبع

لوجف نبع النخل من ماه = والعين جفت مراويها
الطيب ما تجف له مرواه = فالينبعين واهاليها
اناادعي الله واترجاه = من وابل الغيث يسقيها
ينبع عليه عزيزة جاه = قضيت جل العمر فيها

الرد من الشاعر الكبير امير الكسرة ناصر الحجوري

حرفك على الراس حطيناه = وتهديـك ينبـع تهانيهـا
وعن ينبع الشكر قدمنـاه = لزهران واللي فأراضيهـا
هذا الوفاء منـك قدرنـاه = وألأوله صـرت راعيهـا
ينبع لك الطيب ماتنسـاه = وتبغاك ياراشـد تجيهـا

جملة احاسيس مجتمعه = توافقت في بقاياروح
عبر عن احساسها دمعه = هلت على وجنة المجروح

ليت القمر والنجم يشهد = ويسير عندك عليا شهود
يامن بوصلك معي تزهد = وتعيش هاني وانا ملهود

كلما انتهى للسهر جدول = يبدى معي جدوله ثاني
والليل ياللأسف يطول = زود عذابي وحرماني
واصبحت ملهود ومهجول = قصرت حتى مع اخواني
مجبور غصبا على اقبل = مافيه عندي بدل ثاني

ماللصقر بالسهل مسكان = دايم وهو منزله عالي
ما يقبل الدون مهما كان = مرفوع قدره من الوالي

اكبر خطى تعمل المعروف = في حي ما يقدر احساسك
يجري ورى حاجته ملهوف = واذا انقضت عاف مجلاسك