غريب حرفك ماهو عادي ( لحن )

غريب الحرف=
سلام والقيل له تثميـن=نبغى عليه اللحن هـادي
ومنه قدر للمعونه يعين=بانغام يطرب لها الشادي
ابن وازن=
ترحيب معنا المعاني تلين=وترقى على مبنى الامجادي
في لوحه الفـن والتزيـن=غريب حرفك ماهو عـادي
غريب الحرف=
زان الصفا وأسمع التلحين=وإنـت مـن القيـل روادي
لاجاك غور المثـل ويبيـن=عطنـا إفــادات يـامـرادي
ابن وازن=
زخرف جمال المثل فالعين=والجود من جود الاجوادي
وبين لنا النون والتنوين=بالوصف ارسم لك اعدادي
غريب الحرف=
هون يجيك المثل بعدين=اللي عليـه الامـر جـادي
كثر السهر أتلف العينين=أحرق فـؤادي مـع ودادي
ابن وازن=
لا باس ياشاعر الجيلين=قايد ومثلك ما ينقـادي
لو تشتري ودهم غالين=مادام قلبك به اجهـادي
غريب الحرف=
سبعـه سنـاوات يالمفتـيـن=وأنـا علـى جمـر وقّــادي
كل ماحصل للأمر تحسين=يرجع كما كان في البادي
ابن وازن=
ذي لوحه الوقت والتلوين=تثبت مع الوقت وتزدادي
وأما صبر ثابي التكوين=والأ هجر تترك المـادي

دمتم بود

¨°o.O (ياسلام ياسلام يابن العم ) O.o°¨

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت الالسن

وبيض الله وجيهكم

الله يعطيكم العافيه وبيض الله وجيهكم

	المشاركة الأصلية كتبت بواسطة رابح الجحدلي

	¨°o.o (ياسلام ياسلام يابن العم ) o.o°¨ صحت السنتكم والله يـعـطـيـكم الـعـافيـــــــــــة بيض الله وجيهكم

كلك ذوق وعساك سالم يالغالي
شرفني مرورك العطر وأسعدني
لاهنت وصح بدنك
دمت بود

صح السنتكم شعراءنا الكرام ابن وازن وغريب الحرف بدع ورد من اروع مايمكن الله يعطيكم العافيه
تقبلو اصدق تحياتي