( حتى يزين الوضع والشعب يرتاح ) قصيده موجهه إلى دكتور القاف الشاعر القدير / ندا ا

/
/
/
/
/
/
/
/
/
/
/
/
/
/
/

قم ياندا جاوب ندا صقر سـوّاح=نبغى نحل الوضع من غير قالـه
نسمو عن التجريح نقنع بالايضاح=في وضع شاغل له هواجيس باله
مادام لك قايد تزهّـل بالاصـلاح=قال الحوار الزوم ياخـذ مجالـه
حليم متواضع مع النـاس مـزّاح=وافراد شعبه عدّهم مـن عيالـه
كفّك بكفّي دام عرفك لـي اربـاح=منّا لبـو متعـب نوجّـه رسالـه
مضمونها ياقـرم لعـداه نطّـاح=وامكارم الاخلاق جـات بخصالـه
حنّا جنودك دونك اسيوف وارماح=ونحما وطنّا دون مـنّ وجمالـه
ياسيدي للقفل في يديك مفتاح=ومثلك خبير وفيك طبـع العدالـه
حتى يزين الوضع والشعب يرتاح=نقضي على الترويج بعد البطالـه
وانلد للرشوّه عمل كـل شحّـاح=ومن منصبه يفرض عليه انتشاله
وانقوي التعليم والعلـم مصبـاح=حتى يصير سلاحنـا فـي كمالـه
بعدين للاسعار بـرق الغـلا لاح=ومن حكمتك حنّا رجينـا زوالـه
واهم منها من حمل فكر واسـلاح=يبغى يسـوي بالوطن مابدالـه
بالفكر ياهل العلم يحتـاج لكفـاح=وياسيـدي لازم تقطـع حبـالـه
رح ياندا لاهنت لو حيت من صاح=اللي تثـار البلبلـه مـن خلالـه
فالبعد عنّه عنّـك بلـواه تنـزاح=وشي ٍ يجيب الهم مالـك ومالـه

الشاعر / خالد بن عبيد بن معتوق ألأحمدي