( مــــجــــــنــــــون حـــــــــبــــــــــــك )

/
/
/
/
/
/
/
/
/
/
/
/
/
/
/
/
/

حي الله اللي كان شفته تبسّمت=حيث ان شوفك من دواعي سروري
موفيك حقّك بالغلا لو تكلّمت=يعجز لساني كيف يوصف شعوري
لاشفت زولك مقبل ٍ لي تلعّثمت=وافز مثل اللي سمع صوت بوري
انت الوحيد اللي بعيني تعظّمت=ويكفيني انّك في هوانا فخوري
لو غبت عنّي ربع ساعه توثمّت=ماني على نار الفراق بصبوري
مجنون حبّك في غرامك تغرّمت=وارضي غرورك دام ترضي غروري
متبادلين الودّ سلّمت واسلمت =يااللي خدودك كنها وردّ جوري
هرجك ثمين ولاقدر يغلب الصمت=مثل الذّهب مخزون داخل تجوري
ويرسل هدبّ عين المها لاتلثّمت=سهم ٍ صويبه بالهيام امخطوري
وانا صويب العشق في ودّكم همت=العشق عذري والصويب امعذوري
وراع الهوى مغبون جرّبت واقسمت=ذي حالة اهله من قديم العصوري

الشاعر / خالد بن عبيد بن معتوق ألأحمدي