ياوجودي وجد من شال حملن مايطاق

مع التحيه والاحترام

لكل من شرفني بالتواجد وكرمني بالمرور

سمح الله درب منهو تولم للفراق =واحتزم ناوي على البعد وانساق قدمه
في رجوعه لو جذبت الرجاء حبله دقاق =والرجاء في بعض الاحيان يشبه لعدمه
ياوجودي وجد من شال حملن مايطاق =وياوجودي وجد من حس سقمه واكتمه
وياوجودي وجد من نام في راحه وفاق=وانفجع من واقعه يوم ميز وصدمه
ان بغيت اصبر على الصبر مر ولا يذاق=ولاقويت اقدم على الي بقالي واهدمه
وانت يالي ضقت من ضيق ضيقة الخناق =لا تحد الي عليه القفول محكمه
المشاريه القديمه عليه ماتساق =ذنبها ماني بري منه والعلم افهمه
والله ان الي حدا الصدر للضيقه وضاق =مبهمات علوم ناسن تجيني مبهمه
وصرت فيها اول ضحيا حروب الانشقاق=مير ربي شايف اجرك وعنده عضمه
لاتضيع ما بذلته على قل الوفاق =ولاتحد على عن الحمل خانه محزمه
يمكن انه ماعرف قدرمن ضحاء وتاق =ولا انتبه يالين وصل الحنايا ميسمه
ولك مثل عندي على نفس وضعك والسياق =فيك من طبع ازرق العود واصنافه سمه
ما يحدد قيمة الطيب غير الاحتراق=لابدالك من سنا النار مكنونه سمه
واشهدان العود طيب اليا هبهب وساق = لاكن الي شب ناره تناسا واعدمه