محلى الليالي مع الأجواد =في يوم فيه الرجال تجود ..........سرور البشري وفواز الزويهري

أسعد الله أوقاتكم بكل خير
,
,
,
,
,
في ليلة من ليالي النقاء والصفاء والشعر والأدب

جمع هذا اللحن بيني وبين الشاعر القدير سرور البشري

في ضيافة أبو صليب في الشامية

إليكم ياكرام

سرور=
محلى الليالي مع الأجواد =في يوم فيه الرجال تجود
سلام مثل الحيا لا انقاد=همال وبله فدار الجود
فواز الزويهري=
من بعد جينا على الميعاد=في ديرة اهل الوفا والفود
ترحيب مثل العطر يزداد=والحرف جيبه بدون قيود
سرور=
حروف الامثال جات جداد=يا نسل الاحرار نسل جدود
بعد الرخا في دياري ساد=ما تعترض فالدروب سدود
فواز الزويهري=
سيرت فيها كما القواد=جيش المثايل بدون جنود
هيا ابتدي وابدع الأنشاد= والدار هذي ديار سعود
سرور=
عليل قلب الشقي ما هاد=راعيه فاغبر زمن ملهود
انا اعرف انك كفو فالماد=يا زويهري تسد بالماجود
فواز الزويهري=
لا باس يا مشتكي الأضداد=محال نرضى عليكم زود
وان كان يبغى العليل ضماد=يكشف لنا الحال حتى يهود
سرور=
الله لا يشمت بك الحساد=وذيك الليالي عسى ما تعود
ما سد فالعارض الإعداد=ظل المنايا بها ممدود
فواز الزويهري=
الأمر هذا عليه اشهاد=ولا تظن كل الليالي مهود
حنا رسلنا لك الأسناد=وابذل مع اللي وصل مجهود
سرور=
بادو وعلم لهم ما باد=للقوم صالح نصح ثم هود
وهذيك سنة ثمود وعاد =وليا متى والعباد رقود
فواز الزويهري=
الخيمة اللي بليا اوتاد=ماتقوم لو حطو العامود
تفكروا واردو الميراد=والصافية مالها منقود