رمــــــية يمـيـــنــه....!!!

السلام عليكم ورحمة الله وبركاته
ـ
ـ
ـ
ـ
ـ
ـ
ـ
ـ
ـ
ـ

عيني في عينه يوم غرّد ولا طار=كنّه غدى قناص بأعلى سفينه
حاولت ارد القلب تكفى لا تختار=عيّا وقال شوي فكر بزينه
اخذت اهوجس وقتها صرت محتار=مدري اطيع القلب وإلا ادينه
لاني نظرت يمين ولاني لها يسار=مدري في برّ الحين وإلا مدينه
شفت السحاب وشفت منظر للإعصار=وشفت الغدير اللي سكن في جبينه
الوضع هادي فوقنا رشة امطار=زاده بريح الورد نسمه ثمينه
دون الكهوف وبين عثرات الاقدار=طاح السجين اللي غدى له رهينه
لاني بقادر فزعة الجار للجار=دامي غرقت شلون بأطلق سجينه
وقمت اتحسف ليت ياليت ما صار=شلون اعوف بنفس عذرا حزينه
لاهي بقت فالدار ولاهي عن الدار=متشتته مابين ذكرى دفينه
تحرق بها فالجوف ماضي وتذكار=باقي من ايام الخوالي حنينه
ماهي قليله رمية الطير بالنار=لحظة تساوي عمر كل السنينه
غامر بها صياد صوّب بمعيار=يحسب هذاك الطير طاح فيدينه
مايدري إن الكون في رميته دار=واخلف سنين العمر (رمية يمينه)

اخووكم/ فهد الصبحي