خارج عن السرب ويغرد...مع اخي الغالي الطواف

&



&



&



&



&



&



&

الطواف =
حـبـيـبــنــا الــــلــــي نــحـــبـــه زود = خــارج عــن الـسـرب ويـغــرد
مدري سبب حظنا المنكود = والاّ عــلـــى الـجــمــع مــتــمــرد
ابومبارك اليوبي =
اللـي يتغلـى لابـد يعـود = لـو ينتحـي عنكـم يـنـرد
مدام يلقى الوفا والجود = مالـه عـذر يـوم يتـشـرد
الطواف =
له عندنا المركز المحمود = غـــــالــــــي وبـــــالــــــود مــــتــــفــــرد
لجليش يترك هوى موجود = يــجـــحـــد مــرابـــيـــه والــــمــــورد
ابومبارك اليوبي=
ابعد عن الجاحد المقرود=اللي من البر متجرد
لابد تلقى عظيم الطود=يحفظ لك الود وموَرد
الطواف=
قلبي مايرضى على المودود=يقفي عن الـدار ويصـرّد
ويعرّض النفـس للمنقـود=لاهـو مشانـا ولا مطـرّد
ابومبارك اليوبي=
انكان لك فالوداد عهود=ورأيته بثوبه يحرّد
ارسله الشور معه الذود=وقله ترى القلب متحرّد
الطواف=
أبغى بخُطره علينا يرود = ماني له في يوم متزرّد
والله وخلقه علىّ شهود = غير اجعله في ظِل متبرّد
ابومبارك اليوبي=
دامك معه ترتقي بسنود=ودامه على الصد متسرّد
يعينك الواحد المعبود=والكل فينا له مفرّد