انتبه في معطفه ثعبان

السلام عليكم ورحمة الله وبركاته

ملاحظه
القافيه في الغصن الاول
على وزن . ارجهني . استكني

الصدر ضايق والهموم اسهرني=واقول لله ياعرب مشتكايه
ياغير اسلي خاطري واستكني=وارمي سبايب ثورتي من ورايه
أصارع افكا ري وفالراس جني=واصبر النفس الشقيه معايه
ماهو غزل وسهوم عين ذبحني=ولاهو فقر ضاوي وسبب عنايه
ولاهي وشايا حسد ثم جرحني=ولاهوبعد ربعي تقصر معايه
ميقافهم واضح وعزوه تهني=ولاقول فيهم نقص كل اقربايه
العلم ياصاحب تبا العلم مني=ودك تعرف السالفه والحكايه
بيع العرب فيه البلا والتجني=وقلب النوايا صار مقصد وغايه
أحدن يبيع جنيه بجنيه علني=تاجر وله مكسب وفوقه وصايه
وأحدن بكاره جرب مايربحني=يبي يدور للمكاسب خفايه
في معطفه ثعبان ماخاب ضني=وليا حسبته ضيف ويش النهايه
ياليت ناضر صورته وارجهني=ودور من الله مغفره والهدايه