لحن حامد وحمدان

السلام عليكم ورحمة الله وبركاته





[بين حامد عبد الجبار البشري وحمدان عبدالحميد الحمراني]

حامد=
سلام في عيد هذا العام=مع نفرة الحج والزحمه
شفت الحيا فاليمن والشام=ودي أهنيك بالرحمه
حمدان=
يا مرحبا بالصديق الهام=راعي المواجيب واللزمه
الرزق عند الإله أقسام=والرزق للخلق بالقسمه
حامد =
عسى البقى حسبة الأيام=يا كاتب القاف في رسمه
نشكي لرب العباد أحكام=بيــار في الخيــف بالجــمه
حمدان =
وانت كذلك من الفهام=اللي لهم عندنا حشمه
من لاذ بالله ماينضام=يسقيله البير من وسمه
حامد =
ما أشك في عالم الأرحام=اللي بالأحكام له حكمه
المشكلة في العباد أخصام=بخصامهم تـنقطع نعمه
حمدان =
إسعى بالإصلاح يالمقدام= بالجهد والمال والكلمه
لعل بعد الخصام وئام=وأجرك على مذري النسمه
حامد =
هذا المرض فالبسيطه عام=الكل يشكي من الخصمه
إلا من يعصمه العلام=يكفيه ويحصنه بعصمه
حمدان =
لاحصر بالعد والأرقام=والله يحيط البشر علمه
وأكثر مرضهم كبر وأوهام=شبعوا وحلت بهم نغمه

وسلامتكم