تسعد وتسلى بين حايل وجبه

جأتني رساله من عزيز وزميل عمل وأعلم أنها من منقوله وليست من قوله لانه لايقول الشعر وأن كان يتذوقه ولقد رددنا عليه لأنه جدير بالرد ولابيات كذالك جميله وهو كمن قطفها وقدمها لي وأن لم يكن هو من زرعها .......

رسالة زميلي


فاح القصيد وزان بدع المثايل*****وغيص البحر يسبح ثمانين غبه

ومن الأدب والذوق رد الرسايل *****أن كان ماهـي واجـبه مستحبه

أبـشـر بـعـزك ياصـدوق الفـعايل*****نفسي لخدمة صاحبي مشرهبه

أهـل الـوفـا يافـلان مـثلـك قـلايل*****وأنا أحترم من كان مثلك وأحبه



ردي على الابيات السابقه وموجهه لزميلي.......


هل القصـيد وفكرنا له مخـايل *****أعمق بحور الشعر حنا نطبه

أهلاً هلابك راعي عـقـال مـايـل*****رجل(ن) على الشدات دايم ننبه

أحلى سلامي يااللي بأطراف حايل*****تسـعد وتسـلى بين حايل وجبه

مثلك عزيز الذات راعي جمايل***** أنت الوفا اللي بالضماير نضبه

أن أشهد أنك وافي(ن) بالخصايل*****وافي خـصايل حـبه اليوم ربـه