فيروس واتلف ملفاته

جيتكم كلي عتب=
سؤالي مع فائق التبجيل = ابديه وابغى إجاباته
وقت الملاقا مع اهل القيل = منهو الذي تطرب ابياته
ماقصدي لاهل المثل تقليل = أو اسم اعنيه في ذاته
اقصد لاية نهج بتميل = يامن تعب في صياغاته
ماكان غالب عليه نعيل = وفالقيل تسهل مجاراته
أو ما يؤل كذا تأويل = وماهو بظاهر عباراته
أو ما تجاوز عقول الجيل = في طرحه والا ثقافاته
ابغى نحلل كذا تحليل = والكل يبدي افاداته
فايز ال محيسن=
حرفي كما حرفكم تفصيـل =كنه يناظـر فـي مرأتـه
جاتك حلولي بـلآ تخميـل = ياطالـب حلـول كسراتـه
القصد واضح وضوح سهيل =فالشرق برجـه ولمعاتـه
الميل ماهو كامثـل الميـل =لو طابق الحرف لهجاتـه
في ميل للكحـل وتجميـل =وفي ميل كيلـو مسافاتـه
خطوه يبـدل لهـا تبديـل =الحرف يعكـس مساراتـه
النيل ماسد حـوض النيـل =لو صب دجله مـع فراتـه
منهو الذي كثـر التنزيـل =يعرف من رموز شفراتـه
الفكـر لاتحملـه تحميـل =تحـرق ظفيـرة فيوزاتـه
حتى ولو كـرر التشغيـل =ماظن يلقط عـرب ساتـه
جاته رسالة علـى هتميـل =فيـروس وأتلـف ملفاتـه
رابط هديه مـع التوصيـل =سيطر على براج موجاتـه