سلااااااااااااااااام

الله حسيبك =
سلام يا ملتقى الشعار = لا زاد حرفي ولا ينقص
معناه ما يسلم التكرار = نطرب نغني ولا نرقص
فواز الزويهري=
ترحيب منا على مقـدار=وحنا على الطيبة نحرص
أطرب وغني وطق الطا=لكن الأغصان لا تقصقـص
الله حسيبك=
عسى البقا يا عزيز الجار = فرصة وحنا لها نقنـــص
نطرب نغني مع الأشعار = واللي عليه القوافي تنص
فواز الزويهري=
شرواك مكسب مع التجار=والآن فنك لنا حصحص
نعمين يالشاعر البيطـار=والملتقى بمثلكم مختـص
الله حسيبك=
من قبلكم غايصين أبحار = ومن جوفها مخرجين الفص
والنخبة اللي من الأخيار = نُبدع معاهم حروف النـــص
فواز الزويهري=
النجم فوقه نجم وأقمـار=لا يغرك اللي دنا و بـص
وبين الجدي والثريا أسرار=والعاقل اللي لها يفحـص
الله حسيبك=
أنا بديت فعلو ديـــــــار = ولا نجهل اللي تبادى ورص
والسيف من عادته بتــار = ما يحده العظم يوم يقـــــص
فواز الزويهري=
للصقـر فالعاليـات أوكـار=وفي حق الأحرار من يبخص؟
والسيف للفـارس المغـوار=بلسم يداوي الذي عصعـص