هي هكذا عفوا اتت صار الكلام مكاشفه

اليكم طلال معيض

هي هكذا عفـوا أتـت يعنـي كـلام مكاشفـه=
يعني على قول المثل تكشف لك الشمس الضلام=
ياشين ليل البارحـة ضاقـت علـي السالفـة=
الجفن ذاب بمحجره والدمعه ابلـغ مـن كـلام=
لانزاحت هموم وحزن جـت مثلهـا مترادفـة=
لين القمر من ضيقتـه بدلـي النـور بعسـام=
حتى الجواب بداخلـي ماكنـت والله عارفـه=
يالين ماشفت السؤال اللي ترك فينـي حطـام=
ليش الحزن والضيق بوجيه العـرب متوالفـه=
وين الحمام اللي تسمونـه حمامـات السـلام=
مـات السـلام وروحـت حمامتـه متناتـفـه=
عاش الفراق ولابقى في واقـع الفرقـى وئـام=
القدس يصرخ للعرب بغـداد تصـرخ آسفـه=
ماعاد نرجي للعـرب نرجيـك يـارب إلانـأم=
كـن اليهـودي وسـط امتنـا يبيهـا مناصفـه=
بغداد تبكي ياقهر والقدس تشكـي مـن عـدام=
وش لون نرجـع والعـرب بارأئهـا متخالفـه=
اليوم يصدر لي نظام وبكـره يمـوت النظـام=
والغـرب دايـم ضدنـا وارأهــا متكاتـفـه=
لاقالـوا الخطـه كـذا بكـره تنفـذ بالتـمـام=
يالقدس اصبر واصطبر وانـا عيونـي شايفـه=
كانك تنادي للعرب ليش العـرب عنـي نيـام=
يارض الكنانه والله ان دمـوع عينـي كاسفـه=
مالي جدا غير الدعاء ماشوف بيدينـي حسـام=
ياأمـة إلاسـلام وانتـم امــةٍ كالعاصـفـه=
وين الترابط بينكـم وانتـم لكـم قـدر ومقـام=
كاني ارى بعيونكم عـن ارض غـزة عايفـه=
وعين اليهودي اصبحت شوف الضحايا له مرام=
لاشفت منظرها كذا صارت دموعـي ذارفـه=
الموت اهون من قهرولاعلـى الدمعـه مـلام=
ام ن ولدها جنبهـا ومـن العطـش متراجفـه=
وليا لقـت ماهـا سقـت اول ولدهـا ياحـرام=
يارب سخر للعـرب رجـلٍ يجيهـا مجازفـه=
وليا مشى مالد خلفـه لا مشـى ناظـر امـام=
ماكنه إلا المعتصم مـن فـوق ظهـر النايفـه=
من وقفته لامن وقف تاقف له الكفـر احتـرام=