مع الشاعر احمد ابوناب

احمد=
سلام منـي لكـل الربـع=ريحان مع فل مـع نعنـاع
حلو الصفا من حسين البدع=و الملعبة تطلـب البـداع
حرب=
يامرحبابك .حسين الطبع=ترحيب تطرب له الاسماع
واحنا نعرف الكلام السّنع=يحوز دايم على الاجمـاع
احمد=
جهزت خلفي جيوش الردع=من مغرب الشمس للمطلاع
نازل وشايل سلاح القمـع=متحدي السبـع و الأتبـاع
حرب=
انته ليا اقدمت شفـت الوضـع=بدري في حكمك على الاوضاع
في وقتها امـا قتلـت السبـع=والا ضحيـه مابيـن سـبـاع
احمد=
أنشدك باللي رفعها سبـع=مـادام طبيـت لا ترتـاع
لي مسألة في حساب الجمع=و أبغى يجيني حكم باقناع
حرب=
الريح عمره ماهز الضلـع=لكن دروب النجـاه وسـاع
وآنا معك. بالنظر والسمـع=قلي.وحكمي على ايش ايذاع
احمد=
ثنتيـن ساويتهـا بـأربـع=و شبعت يوم المـلا جيّـاع
ماني بطبعي بخيل و جـزع=و لاني من أهل الحسد طماع
حرب=
قال الذي فالمثل مرجع=ويطوّع الحرف لو ماطاع
سابق سؤالي عليه ارجع=حتى اصدر الحكم دون نزاع
احمد=
النص ما به خطـأ بالطبـع=واضح جلي في جلاه شعاع
إللي حصل كان طاعه وسمع=للشرع ما هو صروف خداع
حرب=
من طبعنا نتبـع الانفـع=واللي ماينفع لاشك يبـاع
وتبقى الفتاوي لها موقـع=وحنا لنا فالمعانـي بـاع
ومادام نفذت حكم الشرع=لغيره فالاحكام لاتنصاع
واختامها الشكر للمبـدع=من حر له شان فالابداع