يا سادة القيل والكسره !!!!!!!!!!!!!!!!!!!!!!!!!!!!!!!!!!!

حفيد الحجيلي=
يا سادة القيـل والكسـره=يا من على النايفه ترقـون
هل يجبر القلب في كسره؟؟؟=وشلون ياصحابنا وشلـون
ابو زياد=
ياسـيـد القـيـل فــي عـصــره=لاهنت واللي سمع مايهون
ماينجبـر قـلـب مــن حـسـرة=ألا إذا .. يـنـجـبــر قــانـــون
حفيد الحجيلي=
افدتنـا افــادةٍ عـسـره=زودّت غبن الـذي مغبـون
من جرف يعني الـى حفـره=وآنا الذي كنت أريد العون !!
ابو زياد=
حـنــا بنـيـنـا عــلــى الـنـشــرة=ما نكـون أشيـاء قبـل تكـون
والعـبـد يـؤجـر عـلـى صـبــره=اليا احتسب عند رب الكون
حفيد الحجيلي=
ما لوم سعيـك ولا يكـره=أبديت حسب الذي مضمون
لوّ للأمـل خرمـة الإبـره=ما كنت بحت الذي مكنون
ابو زياد=
المجتهـد نلتمـس عــذره=مادام على الجهد مامون
ولا نعترض راعي القدرة=خلاقهـا بيـن كـاف ونــون
حفيد الحجيلي=
الجهد واضح على فكـره=لعلكـم للوفـا تبقـون
والصبر لوهو كما الصبره=مثل العفو حيلة المسجون
اليوم عقبه يجـي بكـره=يبعث لنا بعض أمل مدفون
كل كسر عند الولي جبره=بأمره جروح البشر يبرون

الله الله على الحبك والسبك والله درر
صحة الالسن
والله امتعتونا
وبيض الله وجيهكم