( شهبندر الشعار ) محاوره مع الشاعر القدير / بخيتان البشري

/
/
/
/
/
/
/
/
/
/
/
/
/

خالد بن عبيد الاحمدي=
سلام عالي به المقدار=ياصلك ياجيد اللابـه
من يم شهبندر الشعار=يبغى على نشدته جابه
بخيتان البشري=
ترحيب يالشاعر البيطار=مد الوفا مـد يهنابـه
سوق المعاني ولاتحتار=الذيب يوفي مع اصحابه
خالد بن عبيد الاحمدي=
اللي نوى له على مشوار=مشتاق له عجله اركابه
لكن حصّل بدربـه نـار=من دونها ناس حطّابـه
بخيتان البشري=
ماطار وقـعّ كمـا ماطـار=والحـر يشبـع بمخـلابـه
ومن هاب موجة من الأخطار=عـن الخطـر قفلـوا بابـه
خالد بن عبيد الاحمدي=
العقل يوجب له المحذار=والعلم يبحث عن اسبابه
والله يجيرك من الاضرار=ياللي تشرفت بخطابـه
بخيتان البشري=
عالي وخل الصغار صغار=واللي يوديه لـك جابـه
آمين ويـاك والحُضـار=ياحر والخطـب ترقابـه
الشيك من يمكـم دولار=وقدامكم كشف لحسابـه
صحيح إن الزمـن دوار=وكلٍ وله لبس يزهابـه

ولكم تحيات
اخوكم الشاعر / خالد بن عبيد بن معتوق ألأحمدي