(.....خاطر الحربي......؟؟؟!!.)

.
.
.
.

تدري وش اللي مكدّر خاطر الحربي = قصة غرامك بوسط القلب موقعها
معها الفكر في سما الابداع صدربي =صوب الحزن والوهم عايشت واقعها
غصبٍ عليّه اذا سجيت تبحربي =كل المشاعر بقلبي تنجذب معها
وشلون ربي جمع دربك على دربي =وشلون الافكار خانتني واشجعها
يامن عشانك اغرّد خارج السربي= اعز ناسي من اجل رضاك اودعها
سالت من اجلك بخد الساحل الغربي =دمعة حزن آه مااقساها ومااروعها
ان جيت اخفي معالمها تعزربي = الروح تامر على عيني وتدمعها
اخفيت حزني ولكنه تفجربي =بابيات ليتك تقدّر يوم تسمعها
ان جيت روحي تمنّى ساعة القربي =وان رحت مااظن بان الكون ياسعها

.
.
.