لاصار خلي فرس ميدان0"

15-01-10, 03:27 AM

السلام عليكم ورحمة الله وبركاته
مردود بين الشاعر الكبير القاسي الإول وفايز ال محيسن

فايز ال محيسن=
سلام ياساكن المعيان = اللي تهل القصائد فن
ياضلع كله نغم والحان = ياصايغ القيل راعي القن
لوكان قلبي ملي بحزان = لابد لحروفنا نوزن
ونخبرك عن مامضا وعن كان = وايش الذي يحصل ومُمكن
لا صار خلي فرس ميدان = والقلب كنه ملز لندن
مليان يا كثرهم فرسان = منهم عرب فيهم انس وجن
من كثرهم هزت الاركان = وكلاً بحرفه بداء يرطن
وضيعت ياصاحبي العنوان = ولاإعرف كمان وين انا بسكن
هذا وانا صابر من ازمان = كاتم فصدري وصدري يحن
نبغاء إفادتك تكفاء الان = قدام لاعقلنا ينجن
القاسي الإول=
يامرحبا من فصيح لسان = ترحيب يقفاه هيل وبن
حنا على مذهب الجدان = اطباعنا عنه مايخطن
لاباس يالشاكي الولهان = يلي حروفه لنا يشكن
تقول فيك الحزن الوان = والوضع عيا يصير احسن
لاتشقي الفكر والاشجان = وتزيد قلبك عنا ياهن
تتعب ولاينقضيلك شان = ويلقى معاك الحزن موطن
الناس كل (ن) على ميزان = يمشي على طبعه المنسن
احد على منهج الايمان = تلقاه في مشيته مومن
واحد لدرب الشقى عشقان = طول العمر منهجه يفتن
لكن ياصاحب الالحان = اسمع كلامي ولاتحزن