محاورة مع الشاعر عبود ( خايلتلي نجم متعلّي )

السلام عليكم
هذه محاورة دارت بيني وبين اخي وصديقي عبود
اتمنى ان تحوز على رضاكم واستحسانكم

هزيم الرعد=
خايلتلـي نجـم متعلّـي=في تالي الليل مطلاعـه
بين المصابيـح متجلّـي=يخطف لك القلب بإشعاعه
عبود=
نجم السعد فوق يا خلّي=فوق المخاليق مرباعه
مثل البدر مكتمل كلّـي=وان هل يبديلك اطباعه
هزيم الرعد=
خايف عن العين لا يولّي=وبعض العرب فيه ملتاعه
والقلب محتار وسط اللي=ما بين شـاري وبياعـه
عبود=
لا تخاف وان غاب بيهلّي=ما دام طاريـه لسّاعـه
واللي له القلب متولّـي=محجوز ما بين اضلاعه
هزيم الرعد=
رايع وبالـذوق متحلّـي=ليت الهوى لامس اسماعه
في اول الجيش ومصلّـي=كان الوصل مرخي شراعه
عبود=
من يقنع النفس ويسلّي=يلزم ترى ترفع اوضاعه
ليته مع الوقت يحصلّي=وآعيش جو الهنا ساعه
هزيم الرعد=
سيطر على القلب واحتلّي=والطرف سر الهوى شاعه
ارسل بالأشواق ! يرسلّي=الود ماني مـن اتباعـه
عبود=
شاورت فيه العقل قلّي=واللي عرفته منه ذاعه
ان كان لا زال متغلّـي=انساه تسلم من اوجاعه