محمد بن مقبل الذويبي وشجاع بن عواد الذويبي

بسم الله الرحمن الرحيم
السلام عليكم ورحمة الله وبركاته
كان شجاع الذويبي ,, يحب البداوه والترحال وكانوا مربعين يم العظامي دون عد ( خضر الماء ) في حدود العراق 0
ويرسل بن عمه محمد بن مقبل الذويبي هذه القصيده بعد ان افتقده 000
القصيده -

ياركبن من عندنا فوق شقران= حرن يكسر جاسيات المصاليب
ياراكبه كزه لياجيت شجعان= قله يجي ماله بديار الاجانيب
قل العشب عندنا تو مابان = عشبن يغطي نابيات العراقيب

طبعا يقصد الشيخ / محمد بن مقبل الربيع في الديره ,,, ووصلت القصيده الشيخ / شجاع الذويبي
وهو يرد شجاع --

ياراكبن فوق عجلات الاقران =مارددن ياذعارعند الضواريب
مرتعهن الباطن ويردن هدلان =ويم العظامي في ليالي التشاريب
ركابهن يركب على وقت الاذان = وعقب اربعن يم الهضاب المراقيب
والدرب حطه بين دخنه ودرعان= وملفاك ابو متعب حصان الاطاليب
ياما ذبح في بندقه كل ديقان= ومن سابقن دايم تعر الجناديب
وسلم على اليوسف وخص بن مشعان= محمد اللى كز يمي مناديب
كانك تذكرلي منازل بعيجان = دعبين والثالث محوه الحطاطيب

والقصيده اطول من ذالك 000

منقول