بلاوي ترتحلني كل ما شمس الصباح تطل............

بلاوي ترتحلني كل ما شمس الصباح تطل = وانا في وقتها ما غير احارب داخلي التنهيد
وانا وش لون ابخفي والملامح ضاهره وتدل = ولكني مضّري النفس ما تشكي من التنكيد
هلاكٍ به اكابر لين جسمي من عناه اعتل = وصارت نضره عيوني تلخبط كلها ترديد
وخطواتي مثل خطوات من هو من حياته مل = يجرجر خطوته بالدرب ولا يقوى على التمديد
يحاول يبتسم ويبان في وجهه ابتسامه غل=من اوضاع تهز رجال وشيوخ من التعقيد
والى منك عطيته الفال كنه من حضورك كل = وصد بحنيه الراس وترك ناس لوصله تريد
انا مثل الغريب اللي توسط دربه ولا دل = هلك نفسه وطاح بسبه التحدير والتسنيد
توسد خده السافي وتاكد ان موته حل=وبدت يبس الشفايف تنطق بكلمه التوحيد
وجاه الليل باوهامه وسلّم امره ولا ذل =عرف بان الرحيم الله يدري بحالته ويفيد
درى بان الرحيم الله لا ما يتركه في كل = حالات من الاحوال ويطلب منه التسديد
الا يارب غفرانك من لسانٍ عن الحق زل = ومن افعالي واهمالي ومن ذنب عليّ يزيد

اخوكم //// عماد القرافي الحازمي الحربي