ليلي سهر والنهارجهاد = مانعرف النوم والراحه ( عارف الشطيري و فواز الزويهري)

أسعد الله أوقاتكم بكل خير
أنقل لكم هذا اللحن الذي جرى عن طريق الجوال
مع أخي الشاعر عارف الشطيري ( جليس الليل )
أرجو أن ينال القبول والرضى
ولكم خالص التقدير

عارف الشطيري=
ليلي سهر والنهارجهاد = مانعرف النوم والراحه
وماني من اللي حصل معتاد=وقلبي معي زادت اجراحه
فواز الزويهري=
قلبي معك والفكر وقاد=ياكاسب الطيب ووشاحه
وحتى معك أحسن الإفاد=القلب ويش سبب أتراحه
عارف الشطيري=
كان السبب والأسى منقاد=سهران والناس مرتاحه
خصمي تعامل معي بعناد=وسهومه الود ذباحه
فواز الزويهري=
خلك سياسي معه لاحاد=وحذراك لاتكسر جناحه
والطير لابدله معواد=لاكان بالطيب مسراحه
عارف الشطيري=
تاريخ لاميزوه امجاد=في الود لاضاعت افراحه
اللي مضى كان ماينعاد= لااقبل ولاسار مرواحه
فواز الزويهري=
معدود مثلك من الرواد=ربان والبحر تجتاحه
خلك على منهجك لو زاد=لابد يعلن لك إصلاحه
ولكم خالص التقدير=