وداع الرياض وغياب رشيد الفريدي

هبت ذعاذيع الصبا والشمـس مالـت للمغيـب=ولاح الشفق رمز الوداع اللّي مثل لون الخضـاب
عديت في رجم الغلا وانا مـن الفرقـا صويـب=وان جيت اودّع للرياض ..اموت من طريا الغياب
حوّلت ضايق خاطري واسمع بصدري صوت ذيب=عيني بكت لفراقها ..قلبـي مـن الأشـواق ذاب
خمسة عشر عام انقضت واصبحت في حكم الغريب=قرب الرحيل وخاطري من حبهـا مايـوم طـاب
ياكثر مافيها اصدقاء..وياما بها لـي مـن قريـب=ناس معادنهم ذهـب ورجـال دمثيـن الجنـاب
نطاقهم مثـل العسـل وقلوبهـم مثـل الحليـب=اظما على شوفي لهم واحسب لفرقاهـم حسـاب
ضحّيت في مستقبلي كلّه علـى شـان الحبيـب=اخوي حسبت والدي ملزوم اخدمه يـوم شـاب
ترخص له الدنيا واجي لرضاه لو وضعي صعيـب=واوصّي عيالي عليـه إن حطّنـي تحـت راب
ولاني مطيع اللّي يقول ان الزمن (جحّاد طيـب)=لو قالها شاعـر فحـل لكنهـا ماهـي صـواب
العيـب ماهـو بالزمـان يطيـب ولاّ مايطيـب=العيب في طبع البشر والوقت يكتـب بالكتـاب
يبيّن اطباع البشـر ويـداوي الجـرح العطيـب=وجوّه تراوح حالته بيـن الصحـاوه والضبـاب
والطيب ماحدٍ يجحده ياغيـر مـردي النصيـب=اللّي يحس إن الوفاء والجود نـوع مـن العـذاب
هذاك تقطع ساقته..ويحط فـوق اسمـه صليـب=إن جاء ماهو يامرحبـا وان راح علّـه للذهـاب
والبخل هو ساس الردى من دون شك ودون ريب=وبيت الردى من خلقت الدنيـا تعـداه الركـاب
اللّي يبي وسم الردى يلقـاه بالوجـه الغضيـب=وجهٍ يفور من الحسد دمّه ليـا شـاف السحـاب
واللّي يبي حلو النبا والجـود والصـدر الرحيـب=ينشد عنه حجرف وابن ناحل ويلقى لـه جـواب
والوجد هو سم الغلا من يمرضـه مالـه طبيـب=بالذات لاضاع الأمل والحلـم بعيونـه سـراب
يقوله اللّي جاوب الورقا على خضـر العسيـب=ونزف خفوقه للزمن قصّـة غيابـه يـوم غـاب

"
"
رشيد الفريدي

جريت ونه دون مـدري مثـل ونـات الصويـب=ماردها يومن حجـب شمسـه مراديـم السحـاب
بعد الظهر قبل العصر في يـوم فـي جـوه رهيـب=جتني تفاخـر فـي ذهبـها منـك وبغـال الثيـاب
مشيت أناجيها وهـي فـي كـل ماقـدم تجيـب=بالشاطي اللي من يسـاره بحـر ويمينـه هضـاب
سجيت معها سجت اللي غاب عن عينـه حبيـب=رجل رزق كل العمر ماغيـر بابـن وعنـه غـاب
وفكار شعري بالحدى وردن علـى جـال القيـب=جال العدود اللي يبي مطراشهـا كامـل زهـا ب
بديـار مامـرح ذيبهـا بالليـل غادلـه قنـيـب=اتشيـب اللـي ماتعـدا بالعمـر سـن الشبـاب
سجيت معها بس أدوج تقل ضايـع لـي ذهيـب=او مثل من جاله من اغلا الناس مشـروه وعتـاب
احوفها حوف الشجاع اللـي يـدور لـه طليـب=حتى خذا ثاره وخـذ مـن دمـه شويـه شـراب
والله لتمشـي بالرضـا والا لا شب ابـهـا لهـيـب=لو لامشت فـي دربهـا تطـا علـى حيـه وداب
وسرت على طاريك ياعـز القرايـب والصحيـب=سليل حرب اهل الكرم والطيب معتقـت الرقـاب
حرب اهل الفزعات والنخـوه منزحـت الحريـب=رجالهـم لـو المراجـل مـوت جاهـا مايهـاب
وجت لك تسوق امزونها يجريبها حـزم وشعيـب=والبرق قافيه الرعـد والوبـل شابـك الضبـاب
تشب من شعرك وفاء وتفوح مـن معنـاك طيـب=يامسطرن للمرجله والطيب فـي جيلـك كتـاب
يالله عسا عمـرك طويـل وعـل عـزك مايغيـب=ولاتشوف بالدنيـا ولا بالاخـره سـو العـذاب
والطيب سهل بالحكي لكـن فـي فعلـه صعيـب=ولاحدن عرف طيب وردى لو كل من نخي تجاب
والله خلـق والله فـرق بيـن الاوادم ياشبـيـب=والحر وماياقع على الحرجـه مثـل وقـع الغـراب
ياللي جهلت اسئل تـرا بالمرجلـه مافيـه عيـب=العيب للي ماعرف ويـن الخطـا مـن الصـواب
واللي تـردا بالشبـاب الطيـب فاتـه بالمشيـب=والخلق خلق من التـراب ومرجعـه يـم التـراب

القصيده بالصوت
http://up4.m5zn.com/download-2009-11...-pzautcx9o.amr