لأهـل الخـبره أرجـو الرد من المخضرمين

ابوذياب=
لأجأت عيني بوسط العين = وأستبشر القلب من أمـره
يأهل ترى !! ناتج الأمرين = الحب من أول النظـره
عبدالله الفريدي=
في سورة النور لـه تبييـن = ياجب عليك البصر قصـره
وان كان ارسلته مع السارين = اقـل ماتكسـبـه حـسـره
ابن قويتان=
خذ الافاده عسى الله يعيـن = بعد اطلعنا علـى النشـره
وحنا بذا الامـر مجتهديـن = وبعد الاذن من ذوي الخبره
الوضع فيما يخصك زيـن = في شأن قلبك ومـا سـره
والحب في مطابق الوضعين = والسيل اصل اولـه قطـره
نادرالوجود=
سمعت قلبي يقول للعين = سبحان من خلى لنا شفره
بيني وبينك بيان وبين = خلاك تمشين على الجـره
معاند زمانه=
لاصار خلك عنيد وزين = وباالعمر مايكبرَك عمره
اغنم زمانك مع الحلوين = وابعد عن الهجروالحسره

االاخوان القديرين ابوذياب وعبدالله الفريدي وابن قويتان

ونادرالوجود ومعاند زمانه

صحت السنتكم وبيض الله وجيهكم واعتلا قدركم

سلمتم على هذا الابداع الجميل من بدع وايضا الردود

الله يعطيكم الصحه والعافيه

تقبل تحياتي وتقديري