( انا ماهمني حامد ولا حمدي ولا حمدان) مساجله

/
/
/
/
/
/
/
/

اخواني
هذه مساجله
مع الشاعر القدير / مضحي بن جمران

سلام الله على مضحي ابو احمد ولد جمران=حفيد ٍ للرجـال اللـي تنومسهـا فعايلهـا
تحيات الوفا ترسل على شخصه رفيع الشان=صديق ٍ لي وانـا اعـزه معـزه مانمثلهـا
جريح القلب يامضحي على قايد من الغزلان=صويب ٍ بالزروف اللي تفلّت من محايلهـا
تغنّى بالهوى قبلي ابو نايف وابـن شنـان=ولانـي بالوحيـد اللـي معاناتـه يمولهـا
وانا ماهمني حامد ولا حمـدي ولا حمـدان=وانا ماني غشيم اغلط على العالم وازعلهـا

الشاعر / خالد بن عبيد بن معتوق ألأحمدي

واليكم
رد الشاعر /
مضحي بن جمران

هلا يامرحبا ياخالد بـن عبيـد ياكحيـلان=ليا جتنا الرساله مـن جنابـك مانهملهـا
لاانك ابن عم ومن رجالٍ للوفـاء عنـوان=حميدين السيـر احامـده نذكـر جمايلهـا
عساء ربي يعين اللي سواتك عاشقٍ ولهان=ونار الود في جوفه شبيه الريـم يشعلهـا
وانا ماقول مخطي واحدٍ يدخل معا البيبـان=وخلق الله وراء مقصودها حثت رحايلهـا
تراء ماكل قناصٍ يعـود لاقنـص بسمـان=لوان الصيد يغري راعي البندق وحاملهـا