سلام عـد ثعـولهـا والهمايـل=وأعـداد طيرٍ يسمـع الناس شـاديه
ياذرف يا للي من عزيـز القبايل=يا عـزوتي والـوقت تذري ذواريه
العـذر منكـم يا سليـل الحمايل=يا من نظرت الضيف حزت حراويه
منه برك للحمـل لـو زاد شايل=ومن قبـل لا ينصـاه يحسـا قوافيه
لو كان ما فيٍّ على الحيـد مايل=أخفى علي الحـال وأخلـف طواريه
كان جيتـك بالعلـوم الصمايـل=عزيـز من خطـه ويا عـز قاريه
عـزاه يا رجلٍ سوات المخايـل=لو فيـه ماريـه ونعـرف مواريـه
ما كان شفنا ياصروف الهوايل=واللاش مـن مبـداه ينعـاف تاليـة
ولوماانت حرٌ من رجالِ قلايل=إليا بدا له حـال من حـال يخفيه
ما قلت ما قلتـه ولو قال قايل=عـز الله إن فـلان لابـد ما فيه
هذا جوابي ما يبي له دلايـل=واللي يدل الدرب ما ضـن يخطيه