سلام مع طلعة الاشراق

خالد البشري =
سلام مع طلعة الاشـراق=في اول ايام شهر الصوم
نبعث تهاني مع الاشواق=لاصحابنا من رجال قروم
بخيتان البشري =
ترحيبنا يغطـي الآفـاق=ينصاك بتهنئـة ملـزوم
جتك التهاني من الأعماق=يامن لكم فالدروب وسوم
خالد البشري=
عسي البقاء يارجل سباق= فالطيب وللمرجله زيزوم
ياكاسب الطيب والاخلاق= نبغي لنا فالمثل مرسوم
بخيتان البشري=
ابشر بعزك وأُخذ ميثـاق=اشري فسوق الغلا ماسوم
منا يجيك الوفا منسـاق=ياصوت لبالك المزهـوم
خالد البشري=
ماحط من دونكم مدراق= مادام تأخذ وتعطي علوم
كثر السهر اتعب الاحداق= ولازلت في مشكله واهموم
بخيتان البشري =
فاللازمة دونكـم مغـلاق=وندسم الشارب المدسـوم
من علم تبديه صدري ضاق=الليل عجـل معـك بنقـوم
خالد البشري =
من قبلكم خاطري ماراق= واليوم لاح الامل ويحوم
مابين طرفي وقلبي شقاق= يامصعب الود فيه سهوم
بخيتان البشري=
من بعدنا كل حمل يطاق=يوم الآمل قبلنا معـدوم
عيد النظر وأتبع الخفاق=الود سهمه يبى صمصوم
خالد البشري =
وافي بلا شك ياعملاق= يانجم ساطع وسط انجوم
فيما جري صابني بارهاق= كيف امنع الطرف حتي يشوم
بخيتان البشري=
لجلك بطل نلت بأستحقـاق=يارجم عالي مابين رجـوم
مرات مابين ركبة وسـاق=ومرة فبحر العلـوم اعـوم
وأرسلت وصفة لكم ترياق=مظروفهـا مننـا مختـوم
لاتقول طرفي معـي بـواق=ولا أظن مثلك ضعيف عزوم

صح اللسانك ياخالد وبيض الله وجهك
والعذر إن حصل تقصير مني
كنت رائع جدا ياخلد
لو كنت املك ختم الجودة لختمت علامة الجودة
على هذا الأبداع منك
واتمنى من القدير المستشار الجمل0000 استعجال ابو خالد
لختم الجودة 000
أو تكليف من ينوب عنه 000
خالد اللهيبي (بناخيك وسميك ابو أحمد)
ولايهون جميع المستشارين والمراقبين