محاورة عبرالجوال مع الشاعر القدير فوزي قابل الغانمي في 20/8/1430ه

فوزي قابل=
ابعث لكم ياعريب الساس= موجز ويكفيك مضمونه
وانت فرسم البنى نبراس=قليل مثلك يجيدونه
قابل البشري=
جانا كتابك على النوماس =ياحر ساسه يعدونه
وانامعك يارفيع الراس=لابان علمك ومكنونه
فوزي قابل=
ريّس وفالقيل ماتنراس=بحر المعاني تغوصونه
لكن بي حال ماينقاس=وحايل الياس من دونه
قابل البشري=
وانت مخضرم من الفرّاس= قريت كافه على نونه
أصيل فالمعرفة من ناس= الصعب بالعزم يصلونه
فوزي قابل=
قلبي شقي مرهف الاحساس=عيّا الاطبا يداوونه
والطرف مايهتني بنعاس=منك العفو لاتلومونه
قابل البشري=
ماالوم قلب الشقي حسّاس=أدناة ماحرّك شجونه
وان كان ماشاهد الميّاس=النوم ماطب فعيونه
فوزي قابل=
كتبت لك خط في قرطاس=عن واقع الحال تقرونه
حطّوا على بابهم حراس= غير الذي جو يبرونه
قابل البشري=
دوّر مقرّب من الجلّاس=غالي عليكم ويغلونه
عسى جهوده تزيل الباس= وتوصّل القلب مظنونه
فوزي قابل=
الكل يضرس عليه أضراس=والقلب دايم يشاجونه
والناس فيهم ذهب ونحاس=واخاف سدي يبيحونه
قابل البشري=
عطه المحبه بدون قياس = والعهد مابينكم صونه
وان معدنه صافي الالماس=لوطال مايختلف لونه