( كم سبب الود نفسيه ) محاوره مع الشاعر / سالم البشري

/
/
/
/
/
/
/
/
/
/
/
/

خالد بن عبيد الاحمدي=
كم سبب الـود نفسيـّه=لاصار فيه الأسى طايـل
ولو أشكي اللي جرى ليّه=تسيل دمعة ابـو وايـل
سالم البشري=
الـود مافيـه مـاويّـه=ياللي فنفسك منه شايـل
بالحرف والقلب ويديّـه=باسعى معك واعدل المايل
خالد بن عبيد الاحمدي=
مابـيـن جــو ٍ وبـريـّه=غير العنا مانـي بنايـل
ألفين روحه على جيّه=من حد طيبه إلى حايل
سالم البشري=
ياموالف الخط يوميّـه=وجور المشاوير متكايل
للود لسعـات ناريّـه=اصبر على همك الهايل
خالد بن عبيد الاحمدي=
جازوا لي الطيـب بالسـيـّه=وطاعوا بي هروج من قايل
والكيـه الـلـي عــدد مـيـّه=هيّه سبـب دمعـي السايـل
سالم الشري=
من يبذل الطيب مازيّه=وصبرك عليهم بلا طايل
سيبتهم يزرعوا غيّه=حتى غدا ودكم زايل

أخوكم الشاعر / خالد بن عبيد بن معتوق الأحمدي