لحن بين الشاعر احمد داخل الاحمدي والشاعر مسعود المعبدي

احمد الاحمدي=
ياما اشتكينا أسى وزهود=نبغـى نعالـج مشاكينـا
لقيت عكس الذي مقصود=نشكي ولاحـي موحينـا
مسعود المعبدي=
بعض المآسي جحيم وقود=متفيـد فيهـا مساعيـنـا
والبعض لوتبذل المجهود=تلقى لها نـاس مصغينـا
احمد الاحمدي=
المشتكى جاك يامسعـود=هيا اسمع القيـل وافتينـا
ودي معيّ يجي ويـرود=باعد عن العيـن ناسينـا
مسعود المعبدي=
هيا استمع طالع المردود=اللـي يتوقـع باماضينـا
الـود لوبينكـم بعهـود=ماقـال عفنـا ومليـنـا
احمد الاحمدي=
ودي موثق وفيـه بنـود=اتحـرم البعـد ياخيـنـا
لكن رحل في ليالي سود=شاطب على كل ماضينـا
مسعود المعبدي=
فالود ضاعوا رجال فهود=واجيـال لـلآن باكيـنـا
فالمبتدى غرهـم بوعـود=والحال في نهايته شينـا