راس الحنش أدعس انيابه .............. ( بيان الــصــــمت & فواز الزويهري )

أسعد الله مسائكم بكل خير


يسرني أن أنقل لكم هذا اللحن الذي جرى بيني

فواز الزويهري مع شاعرنا العملاق بيان الصمت


يوم الخميس ليلة الجمعة الموافق 18-19 /6/1430

أرجو أن ينال استحسانكم ورضاكم

بيان الصمت =
سلام يحكي لسان الحال =من قاصي القلب نعنابه
نا خذ ونعطي معاك أمثال = والعلم يأخذ من أبوابه
فواز الزويهري=
ترحيب وافي وطيبة فال =وأمثالك احنا فرحنابه
وراع المثل يوفي المكيال =ونوفيه من عرفنا حسابه
بيان الصمت =
عسا البقا والشهود أقوال = بالطيب يغني عن كتابه
أبا اشتكي من ألم نزال =طاغي على القلب باسبابه
فواز الزويهري =
هيا ابتدي واشرح الأحوال =ولجرحك الطب نسعابه
ولو كان نقدر نزيح جبال=ونريح القلب من مابه
بيان الصمت =
بين الفكر والفؤاد جدال =من بعد سهم العنا صابه
ياكيف قلب الوفى يغتال=وأكبر مصيبه من أحبابه
فواز الزويهري =
بين الفكر والفؤاد احتال =واللي نوى المر يسقابه
لا تقطعه ... احذر العذال=واعقد له الحبل في عتابه
بيان الصمت =
ظليت معهم سنين طوال= ماهمي الوقت وانشابه
قدام جسر الموده يزال =نبغى حكم يعدل نصابه
فواز الزويهري =
وافي ومثلك كريم سبال =والحكم مختوم في خطابه
أعدل عواج الغصن لا مال =لا تكسره احذر إعطابه
وأنت نعدك من العقال = يانجم عالي في مرقابه
وإن كان شفت الخطر في اقبال =راس الحنش أدعس انيابه