ديوان الشاعر/ خالد بن عبيد بن معتوق الاحمدي

به ضيف ناصيكم قريبه حراويه = ضيف ٍ كريم وزاد بالخير جوده
ملزوم يابن ادم ترحب وتقريه = كبش الذنوب اللي متينه عضوده
سكين توبه في يدينك تذكيه = وبالحمد والتهليل تصلخ جلوده
ثم قسمه بقدور مذنب وغطيه = والنار من صدرك تكثر وقوده
وافرد سفر في ليلة القدر عشيه = تلقى عواقبها تجيك محموده
واليا سرا في ليلة العيد تبكيه = واطلب من الله كل عام ٍ يعوده
ضيف السعد والخير حذرك تخليه = شهر العتق والمغفره والمفوده
اللي به الشيطان مخزي واهاليه = مصفّده فيها الحبال معقوده
هذي نصيحة شخص صاين مباديه = والعاقل اللي مايربّح حسوده
والاجر مادوره من الناس وارجيه = القاه عند اللي تسبح رعوده