البيرق المنصور ... العامودي

السلام عليكم ورحمه الله وبركاته

هذا اللحن بين البيرق المنصور والشاعر الكبير احمد العامودي
اتمنى ان ينال على اعجابكم ,,

=البيرق المنصور
جبت القلم والورق ذلحين = ياحر ياكاسب الاحرار
وسلام منزالكم بالعين = ياللي لكم عندنا مقدار
=العامودي
مادمت ناوي على التدوين = قود المثل واكشف الاسرار
ترحيب لك عندنا تثمين = ياللي نعدك صديق وجار
=البيرق المنصور
دايم على الطيبه ناوين = ونبغى معك لحن للتذكار
اتذكرك كل ساع وحين = في حزه ما لها انوار
=العامودي
القلب والسمع منتظرين =ترسل لنا باقي الاخبار
معاك لين الصباح يبين = حتى معك نكمل المشوار
=البيرق المنصور
انا مسافر بعد يومين = قصدي ارود العلا واختار
وانته تعرف المفارق شين = وماتجهل اللي غريب الدار
=العامودي
مادمت واقف على الرجلين = اعزم وخلك رجل صبار
اللي ينير طريقه زين = في كل الاحوال مايحتار
وفالبعد داوم على ثنتين = خليك دايم من الابرار
حذراك تهمل فروض الدين = واشغل فراغك بالاستغفار

.
,